Xa estamos en setembro e comezamos un novo curso coas baterías a tope. Desde a ANPA estamos a traballar para que o que está nas nosas mans funcione o mellor posible e poder ofrecer ao alumnado e ás familias os servizos de calidade que precisan. Mais temos que comezar cunha nova non tan boa, que é a suba de prezos dos servizos de comedor e madrugadores. En total, a suba ascende a un 3% en cada unha das tarifas, de xeito que quedan como se especifica nas páxinas informativas deste blog:
Os servizos comezan desde o primeiro día de cole, isto é, o luns día 8.
En canto ás actividades extraescolares, estamos traballando con varias opcións e darémosvos máis información en breve. Coma sempre, comezarán en outubro e rematarán en maio.
Polo demais, lembrade que é moi importante que as familias vos asociedes á ANPA para que esta asociación poida funcionar de xeito óptimo. Son só 25€ por familia que podedes aboar desde xa e durante todo o primeiro trimestre. Neste blog tedes tamén toda a información ao respecto na seguinte ligazón:
Ningún comentario:
Publicar un comentario