Un ano máis acudimos ao acto de sinatura das subvencións nominativas do Concello de Fene, entre as que se inclúen os nosos 3.000 euros para o mantemento do servizo de comedor escolar. Grazas, coma sempre, ao Concello e tamén ás persoas da nosa ANPA que contribúen a que poidamos manter esta subvención e darlle o uso correcto ano tras ano.
 |
| O acto celebrouse o xoves 15 de outubro |
Toca convocar a nosa Asemblea Xeral ordinaria de socios e socias. Desta volta será o vindeiro luns, 26 de outubro, ás 16.00 horas en primeira convocatoria e ás 16.15 en segunda, no recibidor do colexio e coa seguinte
ORDE DO DÍA
1. Lectura e aprobación, se procede, da acta da asemblea anterior
2. Estado de contas e balance do curso 2025/2026
3. Proposta e aprobación, se procede, de renovación da Xunta Directiva
4. Previsión de actividades e xestións para o curso 2026/2027
5. Rogos e preguntas
Vén e participa. Queremos a túa opinión para seguirmos traballando.
ACTIVIDADE |
CURSOS |
HORARIO |
IMPARTE |
LUGAR |
PREZO/MES (NON SOCIOS +5€) |
Laboratorio de arte |
De 4º EI a 2° EP |
Xoves de 16:00 a 17:00h |
“La guagua” |
Aula de “Arts” |
22 € |
Finalmente conseguimos grupo para a actividade de Laboratorio de Arte, así que se vai impartir, como estaba previsto, os xoves de 16 a 17 horas a partir do 1 de outubro e ata finais de maio.
Agardamos que vos guste e que saquedes todo o partido aos pequenos e pequenas artistas que hai neste cole!!
A oferta de actividades extraescolares propostas para este curso son as seguintes:
Chegou setembro e con el a volta ao cole: adquisición de libros, de material, moitas dúbidas, reunións de clase, etc., etc. Para a ANPA comeza tamén unha etapa de traballo co obxectivo único de que tanto o alumnado como as familias teñades o mellor comezo de curso posible.
Os servizos de madrugadores e de comedor están dispoñibles desde o primeiro día de cole (mércores 9). Deixámosvos por aquí un pequeno resumo, pero tedes toda a información sobre como apuntarvos, prezos, normas, etc,. neste blog, nas ligazóns:
Instrucións uso da web de xestión de asistencias
Estamos preparando tamén nova oferta de actividades extraescolares para comezar en outubro e, en breve, convocarémosvos para a nosa asemblea xeral de familias socias.
Lembrade que é moi importante que todas as familias vos asociedes á ANPA para que poidamos seguir ofrecendo todos os servizos e organizando todas as actividades coa maior calidade posible e as mellores condicións para todos os nenos e nenas que cada día veñen a este colexio a aprender, a relacionarse, a medrar e a obter uns valores que probablemente marcarán o resto das súas vidas. Neste blog tedes a explicación de como asociarvos na seguinte ligazón:
E aquí un pequeno resumo:
Pois aquí chega un ano máis a nosa Festa da Convivencia, á que por suposto estades convidadas todas as familias do alumnado de Centieiras con mamás, papás, tíos e tías, curmáns, irmás, avós, avoas e quen queira acudir. Este ano temos ademais música en directo coma se dun festival se tratase, así que recuperamos o nome de Centifest para esta ocasión.
Contámosvos como está previsto que sexa o Centifest 2026!!
A partir das 14h do venres 19 de xuño todas as familias que vos animedes podedes vir comer ao recinto do colexio. Cadaquén terá que traer a súa comida e os seus útiles, pero a ANPA convida a auga, café e postres (pasteis e xeados). Ás 16 horas teremos un concerto de música en directo do grupo "Callos Gratis", formado polos músicos locais Cabe e Al Vila, que agardamos que sexa do agrado de peques e maiores.
A continuación, ás 17 horas, dará comezo a tradicional festa da espuma na pista cuberta, con animación, música e moita troula. Lembrade traer bañadores, gafas de piscina e calzado axustado ao pé (non se recomendan chanclas).
Teremos un sorteo de agasallos con rifas que repartiremos durante as primeiras horas da tarde e, por suposto, se o tempo acompaña, teremos auga dispoñible para encher pistolas ou metralletas de auga.
O que non se pode facer:
- Por motivos hixiénicos e medioambientais non permitimos o uso de globos de auga.
- Para evitar inundacións non desexadas, non está permitido o uso dos baños para encher pistolas de auga (poremos barreños e unha mangueira a disposición dos pistoleiros e pistoleiras).
Agardamos que vos guste todo e que pasemos todos e todas unha xornada xenial para despedir este curso 2025-2026.
Chega a última semana de maio e, con ela, a fin de curso das actividades extraescolares xestionadas pola ANPA. Moitas grazas a todos e todas por participar. Agardamos que as aproveitaran e que lles resultaran interesantes. O vindeiro curso regresamos!!
Vai chegando a fin de curso e temos que ir anunciando cousiñas...
A primeira, como xa vistes na nota que enviou o cole, axudamos con 3€ a cada alumna ou alumno socio da ANPA para a excursión de fin de curso que farán o vindeiro 2 de xuño á Granxa Escola do Belelle. Ademais, lembramos que ese día, posto que a excursión alóngase ata a tarde, NON HABERÁ SERVIZO DE COMEDOR (si de madrugadores), así que pregamos a todas as familias que teñades aos nenos/as apuntados/as ao comedor para ese día, que os borredes, para que non se vos cobre o servizo por erro.
A segunda, que desde a ANPA estamos a preparar unha gran festa de convivencia para a tarde do último día do curso (19 de xuño) da que pronto vos poderemos contar os detalles. Ese día TAMPOUCO HABERÁ SERVIZO DE COMEDOR. Ide reservando a data!!
Como cada ano, dende a ANPA queremos axudar con 10 € aos alumnos e alumnas de 6º de primaria que se despiden neste curso de Centieiras e que son socios e socias da ANPA. Poden usalos para a excursión de fin de curso ou para o que consideren oportuno; sabemos que non é moito pero é un xeito de agradecer dentro das nosas posibilidades o esforzo destas familias durante todos os anos que foron socias da ANPA e, como non, ter un detalliño con estes nenos e nenas que botaremos de menos.
Para recoller os cartos temos establecidos os seguintes días e horarios:
- Luns 13 de abril, de 9 a 9.30h e de 13.30 a 14h
- Martes 14 de abril de 16 a 16.30h
Se non podedes pasarvos en ningún destes momentos poñédevos en contacto coa ANPA polas vías habituais.