Chega setembro e na ANPA estamos de volta! Nesta ocasión, o primeiro que temos que contarvos é que o novo curso comezará cunha suba de prezos dos servizos de madrugadores e de comedor. Esta suba vén derivada da revisión de prezos que, á súa vez, realiza a empresa que elabora os menús e contrata as coidadoras e, por suposto, vén acorde coa suba xeralizada que estamos a experimentar na sociedade.
A suba suporá un aumento de 0,10€ en cada un dos prezos establecidos segundo as distintas modalidades de uso (máis do 50% dos días, menos do 50%, segundos irmáns, con almorzo ou sen almorzo, etc.) e están xa publicados nos apartados correspondentes deste blog: Comedor / Madrugadores
Polo demais, lembramos que as asistencias debedes xestionalas a través da aplicación https://www.comedorcentieiras.com/. Os que xa sodes usuarios/as podedes comezar xa a apuntar aos vosos peques e, os que non sodes, lembrade que tedes que solicitarnos a alta enviándonos un correo a anpa.centieiras@gmail.com indicando nome, apelidos e dni do pai/nai/titor, enderezo electrónico e teléfono de contacto, nome completo do neno/a, curso e se ten ou non alerxias alimentarias.
Noutra orde de cousas, estamos traballando xa para que nestes días poidades ter a oferta de actividades extraescolares e para que o curso que está a piques de comezar sexa o máis satisfactorio posible para toda a comunidade educativa.
Seguiremos informando!
Ningún comentario:
Publicar un comentario