Centieiras, a arte e o Entroido de Fene

A comparsa Centieiras e os seus artistas triunfaron onte no Entroido de Fene. Mimos, bailaríns e bailarinas clásicas e modernas, iconas do Pop Art, pintores e pintoras da "escola parisina" e incluso algún ilustre de tempos variados como Frida Kahlo, Vicent Van Gogh, Pablo Picasso ou mesmo o veciño de Neda Leandro Lamas desfilaron polas rúas de Fene dando o mellor de si mesmos e desafiando tamén a esas gotas de chuvia que non lograron deslucir a festa. Tamén os músicos tocando en directo que non poden faltar neste grupo e que poñen ese toque especial e único a esta comparsa (dende aquí, grazas de corazón).

No escenario, preto de 130 persoas dispostas a pasalo xenial e a demostrar, un ano máis, que entre todas e todos pódense facer cousas moi bonitas que serven para facernos ver, reivindicar as nosas cousas, socializar e coñecernos mellor.

Agardámosvos o ano que vén e deixámosvos algunha foto por aquí.