...E CO OUTONO CHEGA O SAMAÍN!

OUTONO EN CENTIEIRAS

COMUNICADO DE PRENSA CONFAPA

      Podedes ver no enlace o comunicado de prensa da CONFAPA referente á xornada de folga contra a LOMCE en Galicia.

• COMUNICADO DE PRENSA POLA XORNADA DE LOITA CONTRA DA LOMCE EN GALICIA. 

Directiva da ANPA, nais, alumnos, alumnas, ex-alumnas e ex-alumnos do centro na manifestación.

AVISO MADRUGADORES E COMEDOR!

      Comunicámosvos que o mércores 26 non haberá madrugadores nin comedor debido á folga de estudiantes convocada para ese mesmo día como protesta ás reválidas.

O CLUB DE LECTURA

      O club de lectura na radio. Deixámosvos un enlace para que poidades ler a nova...e vos animedes a ler con nós.

• As formas de ler nun club de lectura.

CIRCULARES INFORMATIVAS ENVIADAS O 20/10/2016

      Deixámosvos a continuación os enlaces coas circulares que se mandan hoxe polos nenos e nenas sobre charlas informativas organizadas polo Concello.

• Carta informativa para as familias.
• Comunicado charlas informativas.

TRABALLANDO NO HORTO!

      As nenas e os nenos de educación infantil e de 1º de primaria estiveron a traballar no pequeno horto do cole. Deixámosvos unhas fotiños para que vexades que ben o pasan.

Plantaron verza galega e repolos, para que coma o coelliño.

DESCUBRO COMO APRENDO

      Hoxe, martes día 18, comeza no cole en horario de 16:00-17:00 a actividade "DESCUBRO COMO APRENDO. Educación Primaria", que se leva a cabo dende o Departamento de Servizos Sociais do Concello de Fene dentro do programa De Peques a Maiores, Compartindo Espazos. Será na biblioteca no centro e as sesións levaranse a cabo xunto coas familias.

•      O alumnado de primaria e secundaria dos centros escolares de Fene, comeza a traballar a educación emocional e as intelixencias múltiples.

MÚSICA PARA EMPEZAR O DÍA

Nota de prensa no Diario de Ferrol do día 11/10/2016

     E continuamos con:

Ludwig van Beethoven

ASEMBLEA XERAL DA ANPA

      A Anpa do C.E.I.P. Centieiras convoca aos seus socios e socias á Asemblea Xeral que terá 

lugar o martes 25/10/2015 ás 16:00 horas en 1ª convocatoria e ás 16:15 horas en 2ª convocatoria,

na biblioteca, coa seguinte orde do día:

-          Lectura e aprobación da acta anterior

-          Estado de contas do curso 2016/2017

-          Renovación dos cargos da Xunta Directiva

-          Informacións varias

-          Rogos e preguntas

      A directiva

      Fene, a 10 de outubro de 2016

COMUNICADOS DA FEDERACIÓN DE ANPAS

      Deixámosvos o enlace aos comunicados remitidos pola Xunta Directiva Federación Prov. de ANPAS de Centros Públicos da Coruña, en relación coa folga de estudiantes convocada para o 26 de outubro como protesta ás reválidas.

• COMUNICADO "10 RAZÓNS PARA BALEIRAR AS AULAS O 26 DE OUTUBRO" e CARTAZ
• COMUNICADO XORNADA DE RESISTENCIA ÁS REVÁLIDAS, 26 DE OUTUBRO  
• COMUNICADO DA PLATAFORMA EN DEFENSA DO ENSINO PÚBLICO EN GALICIA (LUGAR E HORA)

       Ademáis no tabolerio podedes ver o cartaz da convocatoria.

PRIMEIRA SESIÓN DO CLUBE DE LECTURA

      Onte foi a primeira xuntanza do clube de lectura, na que coma sempre pasamos un rato agradable compartindo impresións sobre a lectura escollida para comezar neste curso. A próxima sesión será o mércores 19 de outubro, na que continuaremos a falar sobre o libro Son noxento, de María Xosé Queizán. As portas están abertas para todo o mundo!

Recorte de prensa do venres 07/10/2016 no Diario de Ferrol

PRIMEIRO DÍA EN ROBÓTICA

      Deixámosvos por aquí unhas fotos do primeiro día en Robótica. Ademáis de desenvolver a actividade fixeron unha presentación para as nais e os pais con vídeos onde se amosaba no que traballaron o ano pasado e presentaron novos contidos, como a impresión 3D. Se alguén estivese interesado nestas novidades debe pasar pola anpa.