Ao alumnado de 6º de EI tocoulle hoxe de facer unhas ricas pizzas coa axuda das súas profes e dunha mamá que se prestou a colaborar.
Aproveitamos para dar as grazas a todos esas nais e esos pais que sempre están dispostos a botar unha man. Mil grazas!
martes, maio 31, 2016
CONTAMOS CON 5º DE EI
Clausura do programa contamos na que participou a presidenta da ANPA. Aquí van unhas fotiños onde vemos como o alumnado de 5º de EI asina e lle fai entrega do cadro que pintaron.
REMATADO O CURSO DE ROBÓTICA
Onte foi a última sesión de Robótica deste curso. Nesta sesión os pais puidemos achegarnos e ver o estiveron a facer nesta actividade ao longo de todo o ano.
Deixámosvos un vídeo que nos pasou Espacio Vivo xa hai algún tempo, onde se pode ver algunhas das cousas que fan os nenos e nenas e o ben que o pasan.
O ano que ven esperamos máis!
Deixámosvos un vídeo que nos pasou Espacio Vivo xa hai algún tempo, onde se pode ver algunhas das cousas que fan os nenos e nenas e o ben que o pasan.
O ano que ven esperamos máis!
venres, maio 27, 2016
CHARLAS INFORMATIVAS PARA AS FAMILIAS
Estimadas
familias:
Con relación ao
escrito que enviamos a semana pasada para a realización dunha charla
informativa para as familias que así o desexaran, darvos as grazas pola gran
acollida que tiveron.
Nesta ocasión o
tema a tratar será o de “normas e
límites”, impartido pola pedagoga municipal, María José Paz. A charla terá
lugar na biblioteca do centro en horario de 16.00 a 17.30 h.
As ditas
charlas dividiranse en dúas quendas, as que se detallan a continuación:
1ª quenda
formada polos cursos de 3º, 4º, 5º e 6º de educación primaria, terá lugar o
vindeiro martes.
2ª quenda
formada polos cursos de 4º, 5º, 6º de educación infantil e 1º e 2º de educación
primaria, terá lugar o vindeiro mércores.
Fene, 27 de maio de 2016
A directiva da Anpa
mércores, maio 25, 2016
NOF E PLAN DE CONVIVENCIA
Aquí vos deixamos os borradores das Normas de Organización e Funcionamento e o Plan de Convivencia nos que se están a traballar no cole. En canto estén os documentos definitivos tamén volos colgaremos no blogue.
luns, maio 23, 2016
OS MAIOS
Aquí tedes un pequeno resumo da festa dos Maios celebrada o venres día 20 de maio. Noraboa ao alumnado e ao profesorado polo seu traballo!
- E un pequeno VÍDEO
xoves, maio 19, 2016
martes, maio 17, 2016
FELIZ DÍA DAS LETRAS GALEGAS!
O idioma é a chave
coa que abrimos o mundo:
o salouco máis feble,
o pesar máis profundo.
O idioma é a vida,
o coitelo da dor,
o murmurio do vento,
a palabra de amor.
O idioma é o tempo,
é a voz dos avós
e ese breve ronsel
que deixaremos nós.
O idioma é un herdo,
patrimonio do pobo,
maxicamente vello,
eternamente novo.
O idioma é a patria,
a esencia máis nosa,
a creación común
meirande e poderosa.
O idioma é a forza
que nos xungue e sostén.
¡Se perdemos a fala
non seremos ninguén!
O idioma é o amor,
o latexo, a verdade,
a fonte da que agroma
a máis forte irmandade.
Renunciar ao idioma
é ser mudo e morrer.
¡Precisamos a lingua
se queremos vencer!
MANUEL MARÍA
venres, maio 13, 2016
CHARLA SOBRE CONVIVENCIA CON DULCE RODRÍGUEZ ANIDO
O martes día 10 recibimos a visita de Dulce Rodríguez Anido, avogada e experta en temas de convivencia, ademáis de estar moi concienciada en temas de acoso escolar.
A charla estivo moi interesante, falounos de que é o acoso escolar, como detectalo, como actuar nese caso e da importancia do traballo de toda a comunidade educativa.
Gracias por esta iniciativa do cole e a Dulce pola súa visita!
A charla estivo moi interesante, falounos de que é o acoso escolar, como detectalo, como actuar nese caso e da importancia do traballo de toda a comunidade educativa.
Gracias por esta iniciativa do cole e a Dulce pola súa visita!
Subscribirse a:
Publicacións (Atom)